منتدى الطبيعة

مرحبا بكم فى منتديات الطبيعه نرجو لكم طيب الاقامه هنا وندعوكم للتسجيل معنا
منتدى الطبيعة

منتدى يهتم بالطبيعة بما فيها من انسان وحيوان وطيور ونباتات

المواضيع الأخيرة

» مشكله
السبت سبتمبر 29, 2012 8:22 pm من طرف Marwan__Elyapany

» مشكله
السبت سبتمبر 29, 2012 8:21 pm من طرف Marwan__Elyapany

» السعر اليومى لارنب التسمين فى محافظات مصر المختلفة
الجمعة سبتمبر 07, 2012 10:01 pm من طرف abdoali

» منتدى الارانب للناس www.araneblelnas.com
الجمعة مايو 18, 2012 7:21 am من طرف احمد الياسرجي

»  وداعاً لإلتهاب العرقوب مع الفرشه الجديده ذات المواصفات العاليه
السبت يناير 28, 2012 6:17 am من طرف اشرف غيث

» كيفية انتقاء سلالات ارانب من انتاجك
الخميس سبتمبر 22, 2011 6:43 am من طرف Admin

» طلب شراء
الإثنين سبتمبر 12, 2011 8:11 pm من طرف عبدالخالق عبدالوهاب

» اسعار العلف
الإثنين سبتمبر 12, 2011 7:23 pm من طرف عبدالخالق عبدالوهاب

» مادة البيور 1 .2
الإثنين سبتمبر 12, 2011 1:46 am من طرف عبدالخالق عبدالوهاب

منتدى

التبادل الاعلاني

ديسمبر 2017

الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
25262728293031

اليومية اليومية


    تصنيع المفرخه خطوه بخطوه مع الشرح بالصور والفيديو هديه لاعضاء المنتدى

    شاطر

    م ياسر حنيدق
    مشرف عام أقسام الدواجن
    مشرف عام أقسام الدواجن

    عدد المساهمات : 17
    نقاط : 31
    تاريخ التسجيل : 04/12/2010

    تصنيع المفرخه خطوه بخطوه مع الشرح بالصور والفيديو هديه لاعضاء المنتدى

    مُساهمة من طرف م ياسر حنيدق في السبت ديسمبر 11, 2010 5:18 am

    بسم الله الرحمن الرحيم

    تصنيع المفرخة يدويا خطوه بخطوه بالصور والفيديو

    نبذه بسيطة

    سوف أتناول تصنيع مفرخه بسيطة بأقل الإمكانيات وسوف أتناول جميع ما يتعلق بتصنيعها منم البداية حتى النهاية من شراء الخامات وتجميعها ( هذا الموضوع خاص بالمهندس ياسر حنيدق ) وطبعا بالأسعار وطبعا الأسعار هتكون بسعر اليوم وسوف يتم تحديث للموضوع أول بأول بالنسبة للأسعار أو بالنسبة لاى جزء في الموضوع وسوف انهي الموضوع بشرح مبسط عن كيفية تشغيلها .

    أولا :-

    يعتمد مبدأ عمل المفرخة او الفقاسه على ثلاثة عوامل أساسية هي :-



    1.درجة الحرارة



    2. الرطوبة



    3.التقليب

    *************************************************

    1.درجة الحرارة



    :يمكن الحصول عليها من مصابيح التونغستون (( يفضل مصباح 150 وات لان اى شنئ اقل من كده بيا خد وقت علشان نوصل لدرجة الحرارة المطلوبة )) أو عن طريق شمع او هيتر حرارى و ذالك حسب حجم الصندوق ويجب الحفاظ على درجة الحرارة بين ال36درجة وال38 وذلك من خلال الثيرموستات الحراري ويتم ضبطه عل درجة حرارة 37

    يعنى لو مثلا المفرخة صغيرة الحجم لا يصلح الهيتر ممكن نشتغل ب شمع او مصباح
    لو الحجم كبير هنشتغل بهيتر
    دى صورته

    هناك نوعين من الثرموثتات

    يعملان بميكانيكيتين مختلفتين

    نوع يفصل الكهرباء عند الوصول إلى درجة الحرارة المطلوبة ثم يعاود التشغيل اذا ارتفعت درجة الحرارة وهذا النوع يستخدم في احهزة التبريد وهذا لنوع لا يصلح في المفقسات



    النوع الثاني

    يفصل الكهرباء إذا وصلت الحرارة إلى الدرجة المطلوبة ويعاود التشغيل اذ قلت درجة الحرارة وهذا النوع الذي نحتاجه في المفرخات

    سعره للنوع الجيد ذو الكفاءة العالية 50 جنية والمكان معروف ومتوفر ودي
    صوره ليه



    2. الرطوبة:



    ونحصل عليها من خلال تبخر الماء حيث يتم تزويد الفاقسة بجرار مليء بالماء

    ويمكن عمل ما يسمى بوحدة الرطوبة وفكرتها بسيطة جداااااا

    وهى كالاتى

    صندوق مجلفن يتم تزويده بموتور التقليب الموجود فى البوتاجاز الذي يستخدم فى الشوى سعره لا يتعدى 15 جنيه (15/6/2010 م) ويتم تثبيته فى الصندوق ويتم وضع الفرشة المستخدمة فى دهان الحوائط داخل العامود (الخارج من الموتور )

    ودي هتبقى وحدة الرطوبة

    (( هذا الموضوع خاص بالمهندس ياسر حنيدق ))

    أو يمكن الاستعاضة عن ذالك كله بوضع صاج بمقاس 40 * 60 سم طبعا حسب حجم المفرخة يتم تحديد مقاس إناء الرطوبة


    3.التقليب:



    سوف يتم التقليب يدويا من 4-6 مرات يوميا لكي لا يلتصق الجنين باحد جوانب

    البيضة
    **********************************************

    ده رسم توضيحى انا عامله يوضح فكرة عمل المفرخات عموما وهى فكر بسيطه جدا






    ابعاد الفقاسه



    تختلف الابعاد حسب رؤية وامكانيات كل شخص

    ولنجعلها مفقسه منزليه بسيطه جداا فى تكاليفها

    (( هذا الموضوع خاص بالمهندس ياسر حنيدق ))




    تصميم هيكل الماكينة



    بالأبعاد التالية :



    الطول = 60 سم

    العرض = 60 سم

    الإرتفاع = 110 سم

    لوح كونتر سعره فى حدود 120 جنيه



    دى صوره ليها



    (( هذا الموضوع خاص بالمهندس ياسر حنيدق ))



    ودى صور توضيحيه














    اجزاء الماكينة الداخليه



    1- مروحة



    سعرها لا يتعدى 25 جنيه او 3الى اربع مراوح كمبيوتر سعرهم 20 جنيه



    وظيفتها



    دفع وتوزيع الهواء (الحار والرطب) داخل أرجاء الفقاسة



    2-مصباح



    لغرض الاضاءه يفضل ان يكون 45 واط 10 جنيه



    وظيفته

    انارة الماكينه للمعاينه بوضوح



    3-مفاتيح كهربائية



    (للتشغيل والتحكم). 5 جنيه





    4- سخان حرارى



    ( شمعتين) سعره لايتعدى 6 جنيه


    هيتر سعره لا يتعدى 35 جنيه







    وظيفته



    لتوفير الحرارة اللازمة



    5-ترموستات حراري




    (حساس حرارة) سعره لا يتعدى 50 جنيه حاليا


    وظيفته



    فهو الذي يحافظ على ثبات درجة الحرارة داخل الماكينة .. وأيضا هو الذي يتحكم في السخان وعمله


    6-ترمو ميتر

    سعره 9 جنيه

    وظيفته

    لقياس درجة الحرارة (مدمج معه مقياس لدرجة الرطوبه بالأسفل) ونجده في محلات بيع الأدوات الطبية







    7-شبك

    أو أي نوع شبك 10 جنيه

    وظيفته

    (لتغطية أسفل أدراج ورفوف الفقاسة).







    8- محول من 220 فولت الى 12 فولت سعره 10 جنيه

    وظيفته تحويل الجهد من 220 الى 12 ده لو استخدمنا مراوح الكمبيوتر



    ************************************************** *************



    طريقة تثبيت قطع الماكينة





    المروحه

    مكان تثبيت المروحه

    تثبت في منتصف مؤخرة الجزء الثابت من سقف الفقاسة ... في الأعلى بواسطة مسامير وبراغي وصواميل









    طريقة العمل

    شغاله 24 ساعه على طوووووووووووول

    فهي تطرد الهواء الحار من قلب الفقاسة لتقل الحرارة بداخلها .. ليعود الترموستات والسخان للعمل من جديد لإنتاج الحرارة .. ثم تقوم بدورها بتوزيعها مره أخرى داخل الفقاسة لمدة بسيطة حتى يتم الإغلاق الآلي مرة أخرى للترموستات والسخان .. ومن ثم تطرد الهواء الحار الساكن... وهكذا

    (( هذا الموضوع خاص بالمهندس ياسر حنيدق ))




    ثانيا -

    السخان



    مكان التثبيت

    يثبت أمام المروحة بمسافة لا تقل عن 10 - 15 سم (يثبت جيدا






    ثالثا -

    الترموستات



    مكان التثبيت

    يثبت في منتصف الجزء الثابت الأمامي للفقاسة ... ويكون الحساس بمواجهة مباشرة للسخان والمروحة





    مصباح الكهرباء



    مكان التثبيت



    في أي مكان في أعلى أحد جوانب الفقاسة .







    ملاحظة / ضع في الحسبان أن المصباح أيضا يولد حرارة (حاول إختيار مصباح بحرارة منخفضة أو معدومة)


    مفاتيح التشغيل والإغلاق

    مكان التثبيت

    في واجهة الجزء الثابت الأمامي للفقاسة .







    لمبة الإشارة

    مكان التثبيت

    أعلى الترموستات



    صوره توضح مكان المفاتيح ولمبة الاشاره









    التوصيل والتشغيل

    توصيل الكهرباء لمفاتيح التشغيل والاغلاق













    تركيب المروحه









    تركيب المصباح







    تركيب الثرموثتات















    ودى صوره للثرموثتات













    طريقة تركيب الثرموثتات داخل المفرخه ولاكن انا شارحها بطريقه مبسطه جداااا







    وده فيديو بيشرح التركيب برده







    [URL="http://www.youtube.com/watch?v=C-D7CMt2dVY"]http://www.youtube.com/watch?v=C-D7CMt2dVY[/URL]



    واى حد عنده استفسار فى الجزئيه دى انا موجود



    انتظرونا

    كيفية تحديد القطب التدفئه من قطب التبريد بالصور والفيديو



    عملية تحديد القطب التدفئه من قطب التبريد هى عمليه بسيطه جدااا ويوجد طريقتين لتحديد قطب التدفئه من قطب التبريد



    الطريقه الاولى وهى الطريقه البسيطه جداا

    وتتم عن طريق استخدام مفك تست حيث نضع مفك التست على القطب المشترك ونضع اليد اليمنى على احد القطبين القطب الذى يؤدى الى انارة لمبة البيان فى مفك التست هو قطب التدفئه والعكس صحيح

    وده هنلاحظه من خلال الفيديو اللى انا شارح فيه هذه العمليه







    [URL="http://www.youtube.com/watch?v=RhnAaRlokcY"]http://www.youtube.com/watch?v=RhnAaRlokcY[/URL]





    ************************************************** ****************



    ضبط درجة الحرارة والرطوبه

    يتم ضبط درجة الحراره والرطوبه عن طريق التحكم فى الثرموثتات ووعاء الرطوبه ويتم ذالك عن طريق فتحات التهويه والتحكم فيها

    ودى صور لفتحات التهويه









    طبعا للتحكم فى درجة الحراره والرطوبه والكلام ده للاشخاص اللى عاوزين يصنعو مفرخه او للاشخاص اللى بالفعل عندهم مفرخات وممكن يكونو بيوجهو بعض المشاكل فى تشغيلها لان زى ما قلت قبل كده وهقول تانى ان التحكم فى الحراره والرطوبه والتهويه هى اساسيات التفريخ



    زى ما هنلاحظ فى الصور فتحتى تهويه وطبعا مكانهم فى الخلف فى ظهر المفرخه وبالتحديد خلف مراوح تقليب الهواء مباشرة



    عددهم 2 فتحه قطر الفتحه بالظبط 5 سم يمكن عمل فتحتين زياده ويكون مكانهم اعلى سقف المفرخه وهنعرف السبب بعدين



    وزى ما عرفنا قبل كده فى نفس الموضوع مكان وضع الثرموثتات اللى ( مباشرة امام الهيتر (السخان ) يكون مواجه له وليس ملاصق طبعا اى فى اتجاهه )



    ناتى لاهم شئ وهو





    تجربة الماكينه



    شغل الماكينه وقبل تشغيلها اقفل جميع فتحات التهويه الخلفيه والعلويه الا فتحه واحده يتم تشغيل الماكينه ونلاحظ درجة الحاره والرطوبه هناك عدة احتملات منها

    1- ارتفاع درجة الحراره وزيادة الرطوبه

    فى هذه الحاله يتم الاتى



    نزود فتحات التهويه ونجعلهم فتحتين بدلا من فتحه واحده ونجرب فاذا استمرت درجة الحراره نجعلهم 3 فتحات وهكذا حتى نصل الى درجة الحراره المطلوبه



    كما يمكن ان نقرب فلف الثرموثتات قليلا عن السخان او الهيتر فحساسيته هتزيد حتى يفصل الثرموثتات ولاكن يتم التقريب بنسب قليله حتى نصل الى درجة الحراره المطلوبه



    اما بالنسبه للرطوبه فيمكن ان نقلل من مساحة سطح الوعاء وبالتالى تقل نسبة البخر وبالتالى نقلل من الرطوبه حتى الحد اللازم



    وعندما تصل درجة الحاره للدرجة المطلوبه سوف تقل الرطوبه معها للنسبه المطلوبه كما ان زيادة فتحات التهويه تقلل من نسبة الرطوبه







    2- ان تنخفض درجة الحراره وتنخفض الرطوبه


    نقلل من فتحات التهويه حتى نصل الى درجة الحاره المطلوبه


    يمكن ان نبعد الفلف او الجزء النحاسى قليلاعن السخان الحساسيه هتقل وهترتفع درجة الحراره



    يمكن ان نضع او نلف قطن على الجزء النحاسى من الثرموثتات (الفلف ) الجزء الحساس فى الثرموثتات وبالتالى حساسيته تقل وترتفع درجة الحراره



    اما بالنسبه للرطوبه يمكن زيادة المساحه المعرضه للهواء الساخن يؤدى الى ارتفاعها اى زيادة مساحة الوعاء



    فى النهايه عرفنا ازى لو الحراره انخفضت او ارتفعت نعرف نتحكم فيها

    وعرفنا نفس الشئ بالنسبه للرطوبه



    ************************************************** ***********

    يتبع
    avatar
    Admin
    Admin
    Admin

    عدد المساهمات : 472
    نقاط : 694
    تاريخ التسجيل : 12/11/2010
    العمر : 36
    الموقع الموقع : منتدى الطبيعة

    رد: تصنيع المفرخه خطوه بخطوه مع الشرح بالصور والفيديو هديه لاعضاء المنتدى

    مُساهمة من طرف Admin في السبت ديسمبر 11, 2010 6:27 am

    تسلم يا بشمهندس\ياسر على موضوعاتك القيمة
    المفرخة دى كان عندى زيها
    جزاك الله خيرا


    _________________
    مع خالـص تحيـاتـى
    مـحمـــدالشـبراوى
    مــديــرالمـنتـدى

    م ياسر حنيدق
    مشرف عام أقسام الدواجن
    مشرف عام أقسام الدواجن

    عدد المساهمات : 17
    نقاط : 31
    تاريخ التسجيل : 04/12/2010

    رد: تصنيع المفرخه خطوه بخطوه مع الشرح بالصور والفيديو هديه لاعضاء المنتدى

    مُساهمة من طرف م ياسر حنيدق في الأربعاء ديسمبر 29, 2010 1:43 am

    شاكر مرورك الكريم


    _________________
    توريد جميع انواع البيض والكتكوت البلدى والساسو
    البط بانواعه
    0108385995

      الوقت/التاريخ الآن هو الجمعة ديسمبر 15, 2017 8:15 pm