بسم الله الرحمن الرحيم .....................

و افضل بدايه لاي كلام وهو السلام.............

السلام عليكم ورحمه الله وبركاته


دورت في المنتدى عن كلمه حلوه لمصر ..........

قولت ابدء انا بغنوه ليكي يا مصر ..................

أيه رايكم كل واحد يدخل يكتب كلمه سطر جمله فقره اي شئ اهداء لمصر ..........

انا في ابيات شعر قريتها في اماكن اخرى عجبتني قولت انقلها لكم

علشان تعرفوا اد ايه في ناس كتير بتحب مصر..........

اد ايه في ناس كتير عاشقه لمصر ................................

مصر مهما كانت .......... بلدي وبلدك............



كلمات عن الاخ الكريم (صفحات العمر )


يا ابو قلب طيب يا مصرى شكلك ف تكوينى

اسمك كمان هوّ اسمى ومعدنك طينى

اغزل بقلبك معانى لجل ست الكل

راح تلقى نبضك ف لحظه بيهز شرايينى




لـــو كـــل مصـــري قــــــال كـــلمتين زيـك
نتحـدىكـل المصــاعب ونــلاقي كل الحلول

أاوول كلام في حب مصر..................


عن الاخ الكريم / جابر المصري


مكتوب في بطاقتي الشخصية
انا دمي سكر زي النيل
وملامحي ملامح مصرية
والنيل مرسوم جوه عروقي
وعيوني عيون فرعونية
وخدودي جبالك وهضابك
وصوابعي صوابع عسلية
وشفايفي بأسمك موشومة
و صوتي نغم سمسمية
***
مكتوب في بطاقتي الشخصية
الصبح انا بفطر علي شوفك
وعشايا حبك يا بهية
والليل بتمشى علي شطوتك
عاشق لياليكي السحرية
والقلب معلق في هواكي
علي قد ما كان عشقك ليا
وكمان مكتوب جوه بطاقتي

أنا مصري وأمي مصرية
مولود من جوه رحم أرضك
من طينك كحلت عنيا
والحبل السُري كان نيلك
مفطوم علي كلمة حرية
والنبض اللي يدب في قلبي
خطوات الناس رايحة وجيا
ومساَجدك وكنايَسك شاهد
علي روح الوحدة الوطنية
مكتوب في بطاقتي الشخصية